【Emily】賀侯麗節一身彩 梁熙水洗都唔清

【明報專訊】印度每年大概3月時都會慶祝侯麗節（Holi），活動特色係大家一齊互撒五顏六色嘅彩粉，送上祝福。民建聯立法會港島東議員梁熙話，香港嘅印度人以往都有搞活動，但因為新冠疫情暫停，噚日係疫後復辦，梁熙於是走咗去大嶼山貝澳趁熱鬧，結果當然係搞到成身彩粉。印度朋友同佢講，如果喺印度用嘅彩粉，要成個禮拜先洗得甩，而喺香港用嘅彩粉，用清水一洗就甩，但佢話自己冲涼後發現紅色顏料仍然殘留身上，所以未來幾日大家見到「面紅紅」嘅佢唔需要覺得奇怪。