【Emily】青聯青年宿舍擬租畀反修例釋囚

【明報專訊】今屆政府宣布擴大「青年宿舍計劃」，第一個項目好快面世。青聯早前宣布同紀惠集團合作，改建銅鑼灣摩利臣山道嘅旭逸酒店做青年宿舍，青聯主席楊政龍噚日透露計劃已「八八九九」，下月1日正式接手酒店改建，5月1日前可以入住。佢對青年宿舍嘅營運有好多想法，例如提供酒店大堂畀入住青年創業開cafe，又或者同青聯嘅更生青年就業計劃結合，畀喺反修例運動判囚嘅青年入住兼喺宿舍打工，但佢話仲要研究實行細節，希望可以成事。