【Emily】立會擴建設辦公室「示範單位」 梁君彥：淺色調開心啲

【明報專訊】立法會議員由70個加到90個，立法會大樓要擴建同加高，增加議員同議助嘅辦公室，擴建工程採用組裝合成（MiC）方式興建，即喺內地做嘅預製組件，運到香港「砌積木」加高樓層。立法會主席梁君彥話承建商農曆新年前將「示範單位」運到香港，放喺立法會旁邊，噚日畀議員參觀，如果議員滿意，廠房就會開工，今年尾或明年初會將組件運到立法會安裝，希望2025年初使用。