【Emily】六大宗教領袖團拜 冀團結抹陰霾

【明報專訊】本港六大宗教嘅領袖，包括中華回教博愛社主席脫瑞康（左起）、香港道教聯合會主席梁德華、孔教學院院長湯恩佳、香港佛教聯合會會長寬運法師、天主教香港教區周守仁主教、中華基督教會香港區會總幹事王家輝，噚日喺尖沙嘴舉行座談會暨新春團拜，並向港人發表新春賀辭。其中寬運法師話，宗教喺社會有重要力量，宗教界要安頓人心，致力幫市民抹去新冠疫情帶嚟嘅陰霾。湯恩佳就話過去幾年為應對疫情，人類歷盡艱辛，面對生離死別，提出人類要大團結，面對危險同困難時要保持和而不同嘅精神。