湯文亮：代理點解要唱淡樓市？

【明報專訊】昨日早上回到公司，有物業代理等我，佢攞了一個offer嚟，希望我可以考慮。老實說，價錢唔錯，如果我們等錢用，一定會賣走，不過，價錢雖然唔錯，但物業代理要求我們畀3%佣金，我話如果我們買入那個物業，一定會付佣金，但3%似乎太多。物業代理話絕對不多，因為買家難求，佢好辛苦才搵到一個買家，而且買家不願意畀佣，如果我們不能夠畀3%佣金，他唯有將買家介紹給另一名業主。我話雖然大家做唔成生意，但我仍然多謝他的介紹。