【Emily】講法律議題 前廳交流剩55人 洪雯關注國安教育「嚇小朋友」

【明報專訊】立法會噚日舉行第四次前廳交流會，由律政司長林定國率領官員出席。立法會秘書處話，噚日交流會有55人出席，較上次70人明顯減少。多名議員同Emily話，交流會期間正值工務小組會議，加上今次討論法律議題相對專門，估計因此較少人出席。至於出席嘅議員中，唔少人關注法律教育問題，例如選委會議員洪雯同Emily講，唔少市民反映學校嘅國安法教育「用嚇嘅方式嚇小朋友」，佢希望當局加強對老師支援。