【Emily】峇里B20峰會 黃英豪梁熙盼說港故事

【明報專訊】國與國之間嘅G20峰會本周喺印尼峇里舉行，同期亦有商界民間嘅B20峰會。民建聯立法會議員黃英豪及梁熙已去咗峇里參加B20峰會，梁熙同Emily講，同當地商界交流時，指唔係人人知道香港有咩優勢吸引投資，話因為香港好少向佢哋推廣，兩人就乘機向與會者介紹香港嘅稅制、匯款方便、仲裁制度等。梁熙話，計劃今趟旅程完結後，同港府駐當地經貿處聯手搞吓推介會，仲話擬首站喺印尼搞，想邀請商會參加；主題想講香港上市、融資、開家族辦公室等。