【Emily】闊別兩年出山 傅家俊：大師賽冇壓力

【明報專訊】文化體育及旅遊局噚日喺facebook上載片段，訪問闊別球壇兩年後復出嘅香港桌球「一哥」傅家俊（Marco），近日佢為周四喺紅館開鑼嘅香港世界桌球大師賽積極備戰。訪問當中，轉職文體旅局媒體主任嘅《東張西望》前主持黃穎君（Burmie）問Marco，排世界頭六名嘅球手都會嚟比賽，會唔會有壓力，Marco就話唔會，反而替大家開心，因為呢幾年香港受疫情影響好大，生活好多限制，?家有機會畀大家睇波，開心吓都係好事。