【Emily】疫苗通無電話可用手機？ 竹君話講錯

【明報專訊】衛生防護中心傳染病處主任張竹君（圖）前日公布「疫苗通行證」最新安排，話準備將適用年齡調低至5歲。市民關注冇智能電話嘅小朋友點樣符合要求，張醫生當時咁回應：「知道有啲人士未必會有電話，所以係用手機都係可以嘅。」令人費解，仲被唔少網民揶揄兼二次創作。Emily前日了解過，其實張醫生原本想講即使冇電話，都可以用紙本針卡，噚日佢喺記者會再主動澄清，「我噚日可能係講錯咗嘅」。